கரூர்: கரூரில் தேர்தல் அதிகாரியின் வாகனத்தை வழி மறித்து மிரட்டிய விவகாரத்தில் அதிமுக-வை சேர்ந்த ஒன்றிய செயலாளர் உள்பட 4 நிர்வாகிகள் கைது செய்யப்பட்டுள்ளனர். கரூரில் கடந்த 22ம் தேதி மாவட்ட ஊராட்சி குழு துணை தலைவருக்கான மறைமுக தேர்தல் தொடங்கிய சில மணி நேரங்களில் அதனை ஒத்திவைப்பதாக தேர்தல் அதிகாரி மந்த்ராச்சலம் அறிவித்திருந்தார். இதனை கண்டித்து அதிமுக முன்னாள் போக்குவரத்துத்துறை அமைச்சர் எம்.ஆர்.விஜயபாஸ்கர் உள்ளிட்ட அதிமுக-வினர் தேர்தல் அதிகாரியின் காரை மறித்து அத்துமீறலில் ஈடுபட்டனர்.