அல் அமீரகம்: உலக கோப்பை டி.20 தொடர் தகுதி சுற்றில் பி பிரிவில் நேற்று இரவு நடந்த போட்டியில் ஓமன்-ஸ்காட்லாந்து அணிகள் மோதின. டாஸ் வென்று முதலில் பேட்டிங் செய்த ஓமன் 20 ஓவரில் 122 ரன்னுக்கு ஆல்அவுட் ஆனது. அதிகபட்சமாக அகிப் இலியாஸ் 37, கேப்டன் மக்ஸூத் 34 ரன் அடித்தனர். . ஸ்காட்லாந்து தரப்பில் ஜோஷ் டேவி 3 விக்கெட் கைப்பற்றினார். பின்னர் 123 ரன் இலக்கை துரத்திய ஸ்காட்லாந்து 17 ஓவரில் 2 விக்கெட் இழப்பிற்கு 123 ரன் எடுத்து 8 விக்கெட் வித்தியாசத்தில் வெற்றி பெற்றது. கேப்டன் கைல் கோட்சர் 28 பந்தில் 3 சிக்சர், 2 பவுண்டரியுடன் 41 ரன் விளாசினார். ஸ்காட்லாந்தின் ஜோஷ் டேவி ஆட்டநாயகன் விருது பெற்றார். தங்கள் பிரிவில் உள்ள வங்கதேசம், பப்புவா, ஓமன் என 3 அணிகளையும் வீழ்த்திய ஸ்காட்லாந்து ஹாட்ரிக் வெற்றியுடன் சூப்பர் 12 சுற்றுக்கு தகுதி பெற்றது.