ராஜபாளையம் : ராஜபாளையம் அருகே தெற்கு வெங்காநல்லூர் செல்லும் சாலையை 10க்கும் மேற்பட்ட கிராமமக்கள் விவசாய பணிக்கும், பால் உற்பத்திக்கும், கட்டிட பணிகளுக்கும், தொழிற்சாலைகளுக்கும், பள்ளி- கல்லூரி செல்வதற்கும் பயன்படுத்தி வருகின்றனர். இச்சாலை மிகவும் குறுகலாக இருப்பதால் வாகனஓட்டிகள் அடிக்கடி விபத்தில் சிக்கி வருகின்றனர். சில நேரங்களில் உயிர்பலியும் ஏற்பட்டு வருகிறது.