புதுடெல்லி: ஒன்றிய அரசு பணியாளர்களில் குரூப் சி மற்றும் குரூப் பி பிரிவில் கெஜடட் அல்லாத, உற்பத்தி சார்ந்த போனஸ் திட்டத்தின் கீழ் வராதவர்களுக்கான 2020-21ம் நிதியாண்டிற்கான உற்பத்தி திறன் சாராத போனஸ் அறிவிக்கப்பட்டுள்ளது. இதுதொடர்பாக ஒன்றிய நிதி அமைச்சகத்தின் செலவினத்துறை வெளியிட்டுள்ள அறிக்கையில், ‘மாத சம்பள உச்சவரம்பு ரூ.7000 என்ற கணக்கீட்டின் அடிப்படையில் 30 நாட்களுக்கான ஊதியம் போனசாக வழங்கப்படும்,’ என அறிவிக்கப்பட்டுள்ளது.