குளத்தூர் : குளத்தூர் மெயின் பஜாரில் இருந்து தெற்கு பகுதியில் கருப்பசாமி கோவில் தெரு உள்ளது. இத்தெருவில் கழிவுநீர் வாறுகால் தெருவின் மையத்தில் அமைந்துள்ளது. இதனால் கான்கிரீட் பிளேட் கொண்டு மூடப்பட்டு பராமரிப்பு பணிகள் அவ்வப்போது நடைபெறும். கடந்த இரண்டு வருடங்களாக பராமரிப்பு பணிகள் முறையாக மேற்கொள்ளாததால் வாறுகாலில் மூடப்பட்ட 10க்கும் மேற்பட்ட கான்கிரீட் பிளேட்டுகள் சிதிலமடைந்து உடைந்துள்ளதால் வாறுகால் திறந்த நிலையில் காணப்படுகிறது.