சமந்தாவுடன் விவாகரத்தா?...நாக சைதன்யா பதில்

சென்னை: சமந்தாவை விவாகரத்து செய்ய இருப்பதாக வந்த தகவல் குறித்து அவரது கணவரும் தெலுங்கு நடிகருமான நாக சைதன்யா பதிலளித்தார். இதுகுறித்து நாக சைதன்யா கூறியது: திரைத்துறை வாழ்க்கை வேறு, தனிப்பட்ட வாழ்க்கை வேறு என்பதை நான் சிறு வயதிலிருந்தே கடைபிடித்து வருகிறேன். இந்த பழக்கம் என்னுடைய அம்மா அப்பாவிடம் இருந்து எனக்கு வந்தது. அவர்கள் படப்பிடிப்பு முடிந்து வீட்டுக்கு வந்ததும், சினிமா பற்றி எதுவும் பேச மாட்டார்கள்.

அந்த நல்ல பழக்கத்தை நானும் கடைபிடித்து வருகிறேன். இந்நிலையில் சமந்தாவுடன் விவாகரத்து என்ற செய்தி பரவி வருவது எனக்கு மிகுந்த வேதனையாக இருக்கிறது. இன்றைய காலகட்டத்தில் ஒரு செய்தியை மறக்கடிக்க இன்னொரு செய்தி உடனே வந்து விடுகிறது. இன்று ஒரு தகவல் பரபரப்பாக இருந்தால், நாளை இன்னொரு தகவல் பரபரப்பாக இருக்கிறது, முந்தையநாள் விஷயங்கள் மறந்து விடுகின்றன. இந்த புரிதல் எனக்குள் வந்தவுடன் நானும் இதுகுறித்து கவலைப்படுவதை நிறுத்தி விட்டேன். இவ்வாறு அவர் கூறினார்.

Related Stories:

>