தேனி: தேனி மாவட்ட கனிமவளத்துறை அலுவலகத்தில் அலுவலர்களை போல அவர்களது இருக்கையில் அமர்ந்துகொண்டு குவாரிக்காரர்கள் தாங்களாகவே அனுமதி சீட்டில் சீல் வைத்த வீடியோ வெளியாகியுள்ளது. மாவட்டத்தில் உள்ள கல் குவாரிகள், மணல் குவாரிகள் மற்றும் எம் சாண்ட் தயாரிக்கும் குவாரிகளுக்கு தேனி மாவட்ட ஆட்சி தலைவர் அலுவலகத்தில் இயங்கும் இந்த அலுவலகம் மூலமாக தான் அனுமதி சீட்டு வழங்கப்படும் நிலையில் இந்த வீடியோ சமூக வலைத்தளங்களில் வெளியானது.