சென்னை: வடசென்னை அனல் மின்நிலையத்தில் கடந்த 2 நாட்களுக்கு முன் கொதிகலன் குழாயில் பழுது ஏற்பட்டது. தற்போது அவை சரிசெய்யப்பட்டு, நேற்று முதல் மீண்டும் 210 மெகாவாட் மின் உற்பத்தி துவங்கியது. திருவள்ளூர் மாவட்டம், மீஞ்சூர் அருகே அத்திப்பட்டில் உள்ள வடசென்னை அனல் மின்நிலையத்தின் முதலாவது நிலையில் 3 அலகுகளில் தலா 210 மெகாவாட், இரண்டாவது நிலையில் 2 அலகுகளில் தலா 600 மெகாவாட் என மொத்தம் 1830 மெகாவாட் மின் உற்பத்தி செய்யப்பட்டு வருகிறது.