ஐக்கிய அரபு அமீரகத்தில் நடைபெறும் ஐபிஎல் டி20 தொடரின் 14வது சீசன் எஞ்சிய ஆட்டங்களை நேரில் பார்த்து ரசிக்க அனுமதி அளிக்கப்பட்டிருந்தாலும், அரங்கத்துக்கு வரும் ரசிகர்களுக்கு பல்வேறு கட்டுப்பாடுகள் விதிக்கப்பட்டுள்ளன. துபாய் மைதானத்துக்கு வரும் ரசிகர்கள் 2 டோஸ் கொரோனா தடுப்பூசி போட்டுக் கொண்டதற்கான சான்றை காட்ட வேண்டியது கட்டாயம். 12 வயதுக்குட்பட்டவர்களுக்கு இதில் விலக்கு அளிக்கப்படும். முகக்கவசம், சமூக இடைவெளி மிக மிக அவசியம். நுழைவுச்சீட்டை தங்கள் செல்பேசியில் பதிவிறக்கம் செய்து வைத்திருக்க வேண்டும்.