நகை வாங்க சரியான சான்ஸ்!: சென்னையில் ஆபரணத் தங்கம் சவரனுக்கு ரூ.96 குறைந்து ரூ.36,288க்கு விற்பனை..!!

சென்னை: சென்னையில் ஆபரணத் தங்கத்தின் விலை சவரனுக்கு ரூ.96 குறைந்துள்ளது. தங்கம் விலை கடந்த 2 மாதமாக ஏற்றம், இறக்கத்துடன் காணப்பட்டு வருகிறது. சில நேரத்தில் அதிகரிப்பதும், அதே வேகத்தில் அடுத்த சில நாட்களில் குறைவதுமான போக்கும் நிலவி வருகிறது. இருப்பினும் மக்களுக்கு தங்கத்தின் மீதான மோகம் மட்டும் சற்றே குறைந்தபாடில்லை. நகையானது குறைந்தாலும் அதிகரித்தாலும் நகை வாங்குவது மட்டும் நின்றபாடில்லை. இந்நிலையில் சென்னையில் ஆபரணத் தங்கம் ஒரு கிராம் ரூ.4,536க்கும் ஒரு சவரன் ரூ.36,288க்கும் விற்பனை செய்யப்படுகிறது. சென்னையில் சில்லறை வர்த்தகத்தில் ஒரு கிராம் வெள்ளி ரூ.73.10 க்கு விற்பனையாகிறது.

சென்னையில் நேற்று ஆபரணத் தங்கத்தின் விலை ஒரு கிராம் ரூபாய் 4548.00 என்று விற்பனை ஆகி இந்த நிலையில் இன்று ஒரே நாளில் 12 ரூபாய் குறைந்து ரூ. 4,536க்கு என விற்பனையாகி வருகிறது. அதேபோல் சென்னையில் நேற்று ஆபரணத் தங்கம் ஒரு சவரன் விலை ரூபாய் 36,384.00 என விற்பனையாகி வந்த நிலையில் இன்று ஒரே நாளில் 96 குறைந்து ரூ. 36,288 என விற்பனையாகி வருகிறது. தற்போது பண்டிகை காலம் என்பதால் நகை வாங்க மக்கள் ஆர்வம் காட்டி வருகின்றனர்.

தற்போது நகை விலை குறைந்திருப்பது இல்லத்தரசிகளுக்கு மகிழ்ச்சியை ஏற்படுத்தியுள்ளது. மேலும் தங்கம் விலை ஒரு நிலையான நிலையில் இல்லாமல் தொடர்ந்து மாற்றம் நீடித்து வருவது நகை வாங்குவோரை குழப்பமடைய செய்துள்ளது. மேலும் அதிக விலைக்கு நகை வாங்கினால், எங்கே இன்னும் விலை குறைந்து விடுமோ என்ற ஏக்கமும் நகை வாங்குவோரிடம் இருந்து வருகிறது. இன்னும் ஒரு சில நாட்களுக்கு தங்கத்தின் விலை ஏற்ற இறக்கத்துடன் தான் இருக்கும் என்றும் நகை வியாபாரிகள் தெரிவித்துள்ளனர்.

Related Stories:

>