புதுடெல்லி: ஜார்க்கண்ட் மாநிலத்தில் வாக்குச்சாவடி ஒன்றில் நடந்த கலவரம் தொடர்பாக தண்டனை பெற்ற ஒருவர், உச்ச நீதிமன்றத்தில் மேல்முறையீடு செய்தார். இந்த மனுவை விசாரித்த நீதிபதிகள் சந்திரசூட், எம்.ஆர்.ஷா ஆகியோர் கொண்ட அமர்வு நேற்று பிறப்பித்த உத்தரவில் கூறியிருப்பதாவது: வாக்காளர்கள் சுதந்திரமாக தங்கள் பிரதிநிதியை தேர்ந்தெடுப்பதற்கான சுதந்திரத்தை உறுதி செய்வதே தேர்தல் முறையின் சாரம்சம். நேரடித் தேர்தல்கள் நடைபெறும் ஜனநாயக நாடுகளில் வாக்காளர் தனது வாக்கை அச்சமின்றி செலுத்துவதை உறுதிசெய்வது முக்கியம்.