முக்கிய செய்தி சென்னை மத்திய அரசை ஒன்றிய அரசு என்று அழைப்பது ஏன்?: சட்டப்பேரவையில் முதல்வர் மு.க.ஸ்டாலின் விளக்கம்..!! Jun 23, 2021 அரசு யூனியன் முதல் அமைச்சர் எம்.கே. ஸ்டாலின் சட்டப்பேரவை சென்னை: மத்திய அரசை ஒன்றிய அரசு என்று அழைப்பது ஏன்? என்று சட்டப்பேரவையில் முதல்வர் மு.க.ஸ்டாலின் விளக்கம் அளித்துள்ளார். சென்னை கலைவாணர் அரங்கில் 16வது சட்டப்பேரவை கூட்டம் தொடங்கி நடைபெற்று கொண்டிருக்கிறது. தமிழக சட்டப்பேரவையில் பாஜக உறுப்பினர் நயினார் நாகேந்திரன் ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் பேசினார். அப்போது தமிழக அரசு ஒன்றியம் என்று பயன்படுத்துவதை குறித்து கேள்வி எழுப்பினார். புதிதாக ஆட்சி பொறுப்பேற்றதில் இருந்தே தமிழக அரசு மத்திய அரசுக்கு எழுதக்கூடிய கடிதங்களில் மத்திய என்ற வார்தையை பயன்படுத்தாமல் ஒன்றிய அரசு என்ற வார்த்தையை பயன்படுத்தி வந்தது. இதற்கு விளக்கம் கொடுக்க வேண்டும் என கேள்வி எழுப்பிய நிலையில், முதல்வர் மு.க.ஸ்டாலின் அதற்கான விளக்கத்தை சட்டப்பேரவையில் அளித்தார். அதில், ஒன்றிய அரசு என்று குறிப்பிடுவதை சிலர் சமூக குற்றம் என்று கூறுகின்றனர். ஆனால் அரசியலமைப்பு சட்டத்தில் உள்ள ஒன்றியம் என்ற சொல்லையே தாங்கள் பயன்படுத்துகின்றோம். ஒன்றியம் என்பது ஒரு தவறான சொல் அல்ல என்று குறிப்பிட்டார். அதேபோல் இதற்கு முன்பாக கலைஞர், அண்ணா பயன்படுத்தாத வார்த்தையை தற்போது தமிழக அரசு பயன்படுத்தி வருவதாக குற்றச்சாட்டும் முன்வைக்கப்படுகிறது. அவ்வாறாக அல்ல. 1957ம் ஆண்டு திமுக-வின் தேர்தல் அறிக்கையில் ஒன்றியம் என்ற வார்த்தையை தாங்கள் பயன்படுத்தி இருக்கிறோம் என்ற விளக்கத்தையும் முதலமைச்சர் கொடுத்திருக்கிறார். ஒன்றியம் என்ற வார்த்தையில் கூட்டாட்சி தத்துவம் அடங்கியிருப்பதால் மத்திய அரசை குறிப்பிட ஒன்றியம் என்ற சொல்லைத்தான் இனி பயன்படுத்துவோம் என்றும் முதலமைச்சர் ஸ்டாலின் சட்டப்பேரவையில் திட்டவட்டமாக தெரிவித்தார். இதுகுறித்து மீண்டும் கேள்வி எழுப்பிய நயினார் நாகேந்திரன், இந்தியா என்ற கருத்து முன்வைக்கப்படும் போது அதில் மாநிலமும் உள்ளடங்கியுள்ளது. ஒன்றிணைந்து செயல்படும் சூழல் உள்ள போது ஒன்றியம் என்ற வார்த்தையை எவ்வாறு பயன்படுத்துகிறீர்கள் என்று வினவினார். இதற்கு பதிலளித்து பேசிய உயர்கல்வித்துறை அமைச்சர் பொன்முடி, இந்தியாவில் இருந்து மாநிலங்கள் பிரியவில்லை. மாநிலங்கள் அனைத்தும் இணைந்து உருவாக்கியது தான் இந்தியா. ஆகவே அதன் அடிப்படையில் தான் ஒன்றியம் என்று அரசியலமைப்பு சட்டத்தில் கொடுக்கப்பட்டிருக்கிறது. இதனை கருத்தில் கொண்டே தமிழக அரசு மத்திய அரசு என்று தெரிவிக்காமல் ஒன்றிய அரசு என்று தெரிவிக்கிறது என்று விளக்கமளித்தார்.
மதுபானக் கொள்கை முறைகேட்டில் கெஜ்ரிவாலுக்கு ரூ.100 கோடி லஞ்சம்.. 170 செல்போன்களை பயன்படுத்தியுள்ளார் : அமலாக்கத்துறை விளக்கம்
பெண்களின் தாலிக்கு ஆபத்து… பெண்களுக்கு வழங்கப்படும் தாய் வீட்டு சீதனத்தை பறிக்க காங்கிரஸ் திட்டம் : பிரதமர் மோடி மீண்டும் சர்ச்சை பேச்சு
பிரதமர் மோடிக்கு நேரடியாக நோட்டீஸ் அனுப்ப தைரியம் இல்லை… பாஜகவின் பி டீம் ஆனது தேர்தல் ஆணையம் என காங்கிரஸ் விமர்சனம்!!
தமிழ்நாட்டில் தள்ளிப்போகிறதா பள்ளிகள் திறப்பு? அதிகாரிகளுடன் அமைச்சர் அன்பில் மகேஸ் பொய்யாமொழி ஆலோசனை
தமிழ்நாட்டில் தீவிர வெப்ப அலை நிலவுவது தொடர்பாக தமிழக அரசுக்கு எச்சரிக்கை விடுத்துள்ளோம்: இந்திய வானிலை ஆய்வு மையம் தலைவர்
ஏப்ரல் 29 வரை தமிழகத்தில் ஓரிரு இடங்களில் வெப்பநிலை 2-4 டிகிரி செல்சியஸ் உயர வாய்ப்பு: சென்னை வானிலை ஆய்வு மையம் தகவல்
தமிழ்நாட்டில் இதுவரை அரசுப் பள்ளி, அரசு உதவிபெறும் பள்ளிகளில் 3,24,884 மாணவர்கள் சேர்ந்துள்ளனர்: பள்ளிக்கல்வி துறை தகவல்
மதம், சாதி அடிப்படையில் பிரிவினையை ஏற்படுத்தும் வகையில் பிரதமர் மோடி வெறுப்பு பேச்சு : பாஜக தலைமைக்கு தேர்தல் ஆணையம் நோட்டீஸ்
மக்களவை தேர்தலில் கூட்டணி கட்சிகளுக்காக பிரச்சாரம் செய்ததற்காக முதலமைச்சர் மு.க.ஸ்டாலினை நேரில் சந்தித்து கூட்டணி கட்சி தலைவர்கள் நன்றி!!
ரிசர்வ் வங்கி கட்டுப்பாடுகள் எதிரொலி: இந்திய பங்குச்சந்தைகளில் கோட்டக் மகேந்திரா வங்கி பங்குகளின் விலை கடும் சரிவு
தமிழகம் முழுவதும் சட்டவிரோதமாக மணல் அள்ளிய விவகாரம் : அமலாக்கத்துறை அலுவலகத்தில் 5 மாவட்ட கலெக்டர்கள் நேரில் ஆஜர்!!
சென்னையில் 22 கேரட் ஆபரணத்தங்கத்தின் விலை சவரனுக்கு ரூ.160 குறைந்து ரூ.53,680க்கு விற்பனை: வாடிக்கையாளர்கள் மகிழ்ச்சி
மக்களவை தேர்தலுக்கான காங்கிரஸ் தேர்தல் அறிக்கையால் பா.ஜ.க. கலக்கம் அடைந்துள்ளது: ப.சிதம்பரம் விமர்சனம்
ஒப்புகை சீட்டை முழுமையாக எண்ணக் கோரிய வழக்கு தேர்தல் ஆணையத்துக்கு நீதிபதிகள் கேள்வி: 5 முக்கிய சந்தேகங்களை எழுப்பினர்; விளக்கத்துக்கு பின் தீர்ப்பு ஒத்திவைப்பு
உத்தரப் பிரதேச மாநில எதிர்க்கட்சித் தலைவர் அகிலேஷ் யாதவ், மக்களவை தேர்தலில் கண்ணூஜ் தொகுதியில் போட்டி என சமாஜ்வாடி கட்சி அறிவிப்பு!