இந்தியா இந்தியாவில் 553 மாவட்டங்களில் கொரோனா தொற்று விகிதம் 5% கீழ் குறைந்துள்ளது!: ஒன்றிய அரசு தகவல்..!! Jun 22, 2021 இந்தியா டெல்லி: இந்தியாவில் 553 மாவட்டங்களில் கொரோனா தொற்று விகிதம் 5 சதவீதத்திற்கும் கீழ் குறைந்துள்ளதாக ஒன்றிய அரசு தகவல் தெரிவித்துள்ளது. டெல்லியில் செய்தியாளர்களை சந்தித்த ஒன்றிய சுகாதாரத்துறை செயலாளர் ராஜேஷ் பூஷன் இத்தகவலை தெரிவித்துள்ளார். கடந்த வாரத்தை விட சராசரியாக தினசரி தொற்றுக்கு ஆளாவோர் எண்ணிக்கை 29 சதவீதமாக குறைந்துள்ளது என்று குறிப்பிடப்பட்டுள்ளது. நேற்று ஒரேநாளில் நாடு முழுவதும் 88 லட்சத்து 9 ஆயிரம் பேருக்கு கொரோனா தடுப்பூசி போடப்பட்டுள்ளது. 88 லட்சம் தடுப்பூசிகளில் 63.68 சதவீத தடுப்பூசிகள் கிராமப்புற மக்களுக்கு போடப்பட்டுள்ளதாக ஒன்றிய அரசு தெரிவித்துள்ளது. நேற்று அதிகபட்சமாக மத்தியப்பிரதேசத்தில் 17 லட்சம் பேருக்கும், கர்நாடகத்தில் 11 லட்சம் பேருக்கும் தடுப்பூசி போடப்பட்டது. இதேபோல் உத்திரப்பிரதேசத்தில் 7 லட்சம், பீகாரில் 5.7 லட்சம், அரியானா, குஜராத்தில் 5.15 லட்சம் பேருக்கு தடுப்பூசி போடப்பட்டது என்று குறிப்பிடப்பட்டிருக்கிறது. இந்தியாவில் கடந்த 24 மணி நேரத்தில் புதிதாக 42,640 பேர் கொரோனாவால் பாதிக்கப்பட்டுள்ளனர். இதன் மூலம் நாட்டின் மொத்த பாதிப்பு எண்ணிக்கை 2,99,77,861 ஆக உயர்ந்தது. இதேபோல் புதிதாக 1,167 பேர் உயிரிழந்துள்ளனர். இதன் மூலம் நாட்டின் மொத்த உயிரிழந்தோர் எண்ணிக்கை 3,89,302 ஆக உயர்ந்துள்ளது குறிப்பிடத்தக்கது.
புனேவில் உள்ள பங்களா உட்பட ஷில்பா ஷெட்டிக்கு சொந்தமான ரூ.98 கோடி சொத்துக்கள் முடக்கம்: அமலாக்கத்துறை நடவடிக்கை
புதுச்சேரியில் நடப்பு கல்வியாண்டு முதல் பிஎஸ்சி நர்சிங் படிப்புக்கு பொது நுழைவுத்தேர்வு கவர்னர் ஒப்புதல்
இனிப்பு வகைகளை வேண்டுமென்றே சாப்பிட்டு தனது சர்க்கரை அளவை அதிகரிக்கிறார் அரவிந்த் கெஜ்ரிவால்: அமலாக்கத்துறை குற்றசாட்டு
இனிப்பு வகைகளை வேண்டுமென்றே சாப்பிட்டு தனது சர்க்கரை அளவை அதிகரிக்கிறார் கெஜ்ரிவால்: அமலாக்கத்துறை புகார்
மின்னணு வாக்கு இயந்திரங்களில் தில்லுமுல்லு செய்யாமல் 180 இடங்களை பாஜக தாண்டாது: பிரியங்கா காந்தி திட்டவட்டம்
கேரளாவில் மாதிரி வாக்குப்பதிவில் பா.ஜ.க.வுக்கு 2 ஓட்டுகள் பதிவான விவகாரம்: தேர்தல் ஆணையம் உரிய விசாரணை நடத்த உச்ச நீதிமன்றம் உத்தரவு
கெஜ்ரிவால் கைதுக்கு வாக்கின் மூலம் மக்கள் பாஜகவுக்கு பதிலடி கொடுப்பர்: டெல்லி அமைச்சர் கோபால் ராய் சாடல்