கிளாஸ்கோ: 16வது ஐரோப்பிய கால்பந்து சாம்பியன்ஷிப் போட்டி (யூரோ) 11 நாடுகளில் நடந்து வருகிறது. இதில் பங்கேற்றுள்ள 24 அணிகள் 6 பிரிவாக பிரிக்கப்பட்டு லீக்கில் மோதுகின்றன. செயின்ட் பீட்டர்ஸ்பர்க் நகரில் நேற்று நடந்த இ’பிரிவு லீக் ஆட்டம் சுவீடன்-ஸ்லோவாகியா அணிகள் மோதின. இதில் 1-0 என்ற கோல் கணக்கில் சுவீடன் வெற்றி பெற்றது. தொடர்ந்து கிளாஸ்கோவில் நடந்த மற்றொரு ஆட்டத்தில் டி பிரிவில் குரோஷியா- செக்குடியரசு அணிகள் பலப்பரீட்சை நடத்தின. இந்த போட்டி 1-1 என்ற கோல் கணக்கில் சமனில் முடிந்தது. நள்ளிரவு 12.30 மணிக்கு தொடங்கி நடந்த போட்டியில், டி பிரிவில் இங்கிலாந்து- ஸ்கார்ட்லாந்து அணிகள் மோதின. வலுவான இங்கிலாந்து அணிக்கு கடும் சவால் அளித்த ஸ்கார்ட்லாந்து அணியினர், கோல் முயற்சிகளை முறியடித்தனர்.