அம்பத்தூர்: அம்பத்தூர் தொகுதியில் இல்லம்தோறும் கழிவுநீர் இணைப்பு வழங்கும் திட்டத்தை ஜோசப் சாமுவேல் எம்எல்ஏ துவக்கிவைத்தார். தமிழக அரசு சார்பில், அனைத்து கட்டிடங்களிலும் எவ்வித இடையூறுமின்றி கழிவுநீர் இணைப்பு வழங்குவதற்காக “இல்லம்தோறும் இணைப்பு” என்ற திட்டத்தின் மூலம் கழிவுநீர் இணைப்பு வழங்கும் திட்டம் துவங்கப்பட்டுள்ளது. தற்போது இந்த நடைமுறைகளை எளிமைப்படுத்தி சென்னை மாநகருடன் இணைக்கப்பட்ட பகுதிகளான அம்பத்தூர், திருவொற்றியூர், மாதவரம், மடிப்பாக்கம், மதுரவாயல் மற்றும் சோழிங்கநல்லூர் ஆகிய இடங்களில் உள்ள அனைத்து கட்டிடங்களும் கழிவுநீர் இணைப்பு வழங்கும் திட்டத்தை தமிழக முதல்வர் மு.க.ஸ்டாலின் உத்தரவின்படி சென்னை குடிநீர் வாரியம் போர்க்கால அடிப்படையில் செயல்படுத்த தீர்மானித்துள்ளது.