சென்னை: தங்கம் விலை கடந்த 2 மாதமாக ஏற்றம், இறக்கத்துடன் காணப்பட்டு வந்தது. சில நேரங்களில் அதிரடியாக உயர்ந்தும், குறைந்தும் வந்தது. இந்நிலையில் கடந்த 3 நாட்களாக தொடர்ச்சியாக தங்கம் விலை குறைந்து வருகிறது. கடந்த 15ம் தேதி ஒரு சவரன் 36,680க்கு விற்கப்பட்டது. அதன் பிறகு 16ம் தேதி சவரன் 64 குறைந்து சவரன் 36,616க்கு விற்கப்பட்டது, 17ம் தேதி (நேற்று முன்தினம்) கிராமுக்கு 77 குறைந்து ஒரு கிராம் 4500க்கும், சவரனுக்கு 616 குறைந்து ஒரு சவரன் 36,000க்கும் விற்கப்பட்டது. இந்நிலையில் 3வது நாளாக நேற்றும் தங்கம் விலை சரிவை சந்தித்தது. அதாவது கிராமுக்கு 40 குறைந்து ஒரு கிராம் 4,460க்கும், சவரனுக்கு 320 குறைந்து ஒரு சவரன் 35,680க்கும் விற்கப்பட்டது.