ரோம்: யூரோ கால்பந்து தொடரின் தொடக்க ஆட்டத்தில் துருக்கியை 3-0 என்ற கோல் கணக்கில் வீழ்த்தி, இத்தாலி வெற்றி கணக்கை தொடங்கியுள்ளது. ஐரோப்பிய கண்டத்தை சேர்ந்த 24 நாடுகள் பங்கேற்கும் 16வது ‘யூரோ 2020’ கால்பந்து தொடர் நேற்று முன்தினம் இரவு இத்தாலியின் ரோம் நகரில் தொடங்கியது. ஏ பிரிவு முதல் ஆட்டத்தில் துருக்கி - இத்தாலி அணிகள் மோதின. முதல் பாதியில் இரு அணிகளும் கோல் ஏதும் அடிக்காமல் 0-0 என சமநிலை வகித்தன. ஆனால் 2வது பாதியில் ஆட்டத்தின் 8வது நிமிடத்தில் இத்தாலி வீரர் டொமினிகோ பெரார்டி கோலை நோக்கி பந்தை உதைத்தார். அது துருக்கியின் தடுப்பு ஆட்டக்காரர் மெரிஹ் தெமிரா மீது பட்டு கோலுக்குள் புகுந்தது. அந்த சுய கோலால், இத்தாலி 1-0 என முன்னிலை பெற்றது.