பாரிஸ்: பிரெஞ்ச் ஓபன் கிராண்ட்ஸ்லாம் டென்னிஸ் மகளிர் ஒற்றையர் பிரிவு இறுதிப்போட்டியில் கிரெஜ்சிகோவா-பாவ்லியூசென்கோவா மோதுகின்றனர். நேற்று நடந்த முதலாவது அரையிறுதிப் போட்டியில் ரஷ்ய வீராங்கனை அனஸ்டாசியா பாவ்லியூசென்கோவாவும், ஸ்லோவேனியாவின் தமரா ஷிடன்செக்கும் மோதினர். இதில் பாவ்லியூசென்கோவா 7-5, 6-3 என நேர் செட்களில் வென்று, இறுதிப்போட்டிக்கு தகுதி பெற்றார். 2வது அரையிறுதிப் போட்டியில் செக். குடியரசின் பார்போரா கிரெஜ்சிகோவாவும், கிரீஸ் வீராங்கனை மரியா சக்கரியும் மோதினர். மிகவும் விறுவிறுப்பாக நடந்த இப்போட்டியில் கிரெஜ்சிகோவா கடுமையாக போராடி 7-5 என முதல் செட்டை கைப்பற்றினார். 2வது செட்டை சக்கரி 6-4 என எளிதாக வசப்படுத்தினார். 3வது செட்டில் இருவரும் அனல் பறக்க மோதிக் கொண்டனர். கேம்களை மாறி, மாறி பிரேக் செய்தனர்.