சின்னமனூர்: சின்னமனூர் பகுதியில் சூறாவளியுடன் பெய்த கனமழையால் நெற்கதிர்கள் சாய்ந்து நாசமாகி விட்டது. இதனால் விவசாயிகள் கவலையடைந்துள்ளனர். சின்னமனூர், மார்க்கையன்கோட்டை, குச்சனூர் பகுதிகளில் முல்லை பெரியார் பாசனத்தில் இருபோக நெல் சாகுபடி நடந்து வருகிறது. மழை இல்லாத போது தண்ணீரின்றி இருபோக நெல் சாகுபடியில் சுணக்கம் வந்து விடக்கூடாது என்பதற்காக சில விவசாயிகள் விளைநிலங்களில் ஆழ்துளை கிணறுகள் அமைத்து தற்காப்பு செய்து வைத்துள்ளனர். அதன்படி கடந்த ஜனவரி மாதம் ஆழ்குழாய் பாசனத்தில் சுமார் 300 ஏக்கரில் இருபோகத்தில் நெல் பயிரிட்டிருந்தனர்.