குஜராத்தி டோக்கலா

தேவையான பொருட்கள்

கடலை மாவு – ஒரு கப்,

ரவை – 3 டேபிள் ஸ்பூன்,

இஞ்சி விழுது – 1/2 டீஸ்பூன்,

பச்சைமிளகாய் – 2,

மஞ்சள் தூள் – 1/4 டீஸ்பூன்

பெருங்காயத் தூள்- சிறிதளவு,

உப்பு – 1/2 டீஸ்பூன்,

சர்க்கரை – 1 டீஸ்பூன்,

எலுமிச்சை சாறு – 1 டேபிள் ஸ்பூன்,

கடலை எண்ணெய் – 1 டேபிள் ஸ்பூன்,

தண்ணீர் – 1.25 கப்.

தாளிக்க:

எண்ணெய் – 2 டீஸ்பூன்,

கடுகு – 1/2 டீஸ்பூன்,

சீரகம் – 1 டீஸ்பூன்,

வெள்ளை எள்ளு -1 டீஸ்பூன்,

பச்சை மிளகாய் – 1.

செய்முறை:

முதலில் கடலை மாவையும் ரவையையும் ஒன்றாக கலந்து கொள்ளவேண்டும். அத்துடன் சிறிதளவு இஞ்சி விழுது பச்சைமிளகாய், பெருங்காயத்தூள், மஞ்சள் தூள், எலுமிச்சைச்சாறு, உப்பு, பேக்கிங் சோடா, சிறிதளவு எண்ணெய் மற்றும் தண்ணீருடன் சேர்த்து நன்கு பஜ்ஜி மாவு பதத்திற்கு கலந்து கொள்ளவும். அந்த மாவை 5 நிமிடம் ஊற விடவும். ஒரு அடி கனமான பாத்திரத்தில் சிறிது நெய் தடவி, கலந்து வைத்துள்ள மாவை சம அளவில் ஊற்றி பாத்திரத்தில் வைத்து 20 நிமிடம் வேக வைக்கவும். இப்பொழுது கெட்டி பதத்திற்கு வந்திருக்கும். இப்பொழுது அதை ஒரு தட்டில் மாற்றிக்கொள்ளவும். பின்பு அதை சதுர வடிவில் சிறுசிறு துண்டுகளாக வெட்டி வைத்துக்கொள்ளவும். பிறகு ஒரு பாத்திரத்தில் எண்ணெய் ஊற்றி கடுகு சீரகம் பெருங்காயத்தூள் மற்றும் கீறிய பச்சை மிளகாய் சேர்த்து தாளிக்கவும். தாளித்தவற்றை வெட்டி வைத்துள்ள டோக்கலா துண்டுகள் மீது சேர்த்தால் சுவையான டோக்கலா தயார்.

The post குஜராத்தி டோக்கலா appeared first on Dinakaran.