ரோட்டர்டாம்: அமெரிக்காவில் நடந்து வரும் ரோட்டர்டாம் டென்னிஸ் போட்டியில் குரோஷிய வீரர் போர்னா கோரிக் காலிறுதிக்கு தகுதி பெற்றுள்ளார்.நேற்று நடந்த காலிறுதிக்கு முந்தைய சுற்றுப் போட்டியில் இவர், செர்பியாவின் டுசான் லாஜோவிச்சுடன் மோதினார். முதல் சுற்றில் லாஜோவிச், ஆடவர் ஒற்றையர் தரவரிசையில் 3ம் இடத்தில் உள்ள ரஷ்ய வீரர் டேனில் மெட்வடேவை வீழ்த்தினார். இதனால் ரசிகர்களுக்கு இவர் மீது பெரும் எதிர்பார்ப்பு இருந்தது.கடந்த 2018 நவம்பரில் போர்னா கோரிக், ஆடவர் தரவரிசையில் 12ம் இடத்தை பிடித்தார். தற்போது அவர் தரவரிசையில் 24ம் இடத்தில் உள்ளார். கடந்த 2020 ஜூன் மாதம் கொரோனாவால் பாதிக்கப்பட்டு, சிகிச்சைக்கு பின்னர் குணமடைந்தார். அதன் பின்னர் நடந்த யுஎஸ் ஓபன் கிராண்ட்ஸ்லாமில் கோரிக், காலிறுதி வரை முன்னேறினார். தொடர்ந்து அவர் சிறப்பான ஆட்டத்தை வெளிப்படுத்தி வருகிறார்.