தஞ்சை: தஞ்சை மாவட்டத்தில் பயிர் கடன் தள்ளுபடி சான்றிதழில் ஜெயலலிதா, எடப்பாடி படம் இருந்ததால் விவசாயிகள் கடும் எதிர்ப்பு தெரிவித்தனர்.
தஞ்சை மாவட்டத்தில் உள்ள தொடக்க வேளாண்மை கூட்டுறவு சங்கங்களில் விவசாயிகளுக்கான கூட்டுறவு கடன் தள்ளுபடிக்கான சான்றிதழ் வழங்கப்பட்டு வருகிறது. இதில், கீழத்திருப்பூந்துருத்தி தொடக்க வேளாண்மை கூட்டுறவு கடன் சங்கத்தில் 100விவசாயிகளுக்கு கடன் தள்ளுபடி ஆனதற்கான சான்றிதழ்களை சங்கத்தின் தலைவர் வழங்க விவசாயிகளுக்கு அழைப்பு விடுத்து இருந்தார். இதையடுத்து காவிரி விவசாயிகள் பாதுகாப்பு சங்க மாவட்ட துணை செயலாளர் திருப்பூந்துருத்தி சுகுமாரன் தலைமையிலான விவசாயிகள், கூட்டுறவு சங்கத்திற்கு நேற்று வந்தனர்.