உடுப்பி:கோவிட் வழிகாட்டுதல்கள் முறையாக கடைபிடிக்கப்படாததால் அதனை சரிசெய்ய கூடுதலாக மார்ஷல்களை நியமிக்க திட்டமிடப்பட்டுள்ளதாக மாவட்ட கலெக்டர் ெஜகதீஷ் தெரிவித்தார்.  உடுப்பி மாவட்டத்தில் கோவிட் வழக்குகள் அதிகரித்ததை அடுத்து முககவசம் அணிவது, மற்றும் சமூக இடைவெளியை கடைப்பிடிப்பது தொடர்பான அனைத்து கோவிட் வழிகாட்டுதல்களும் கண்டிப்பாக கடைபிடிக்கப்பட வேண்டும் என்று உடுப்பி மாவட்ட கலெக்டர் தெரிவித்துள்ளார். இதுகுறித்து அவர் செய்தியாளர்களிடம் கூறுகையில், கோவிட் விதிமுறைகளை மீறும் கல்வி நிறுவனங்கள் மீது நடவடிக்கை தொடங்கப்படும், செயல்பாடுகள் மற்றும் பொதுக்கூட்டங்களின் போது விதிகளை கண்டிப்பாக பின்பற்றுவதை உறுதிப்படுத்த அதிகப்படியான மார்ஷல்கள் நியமிக்கப்படுவார்கள். விதிகளை மீறுபவர்கள் கடுமையான நடவடிக்கையை எதிர்கொள்ள நேரிடும் என எச்சரித்தார்.

தொடர்ந்து பேசிய அவர் கேரளா மற்றும் மகாராஷ்டிராவில் இருந்து வருபவர்கள் கட்டாயம் நெகட்டிவ் சான்றிதழ் வைத்திருக்க வேண்டும். அதேபோன்று கொரோனா தடுப்பூசி போட்டுக்கொள்வதில் மற்ற மாவட்டங்களை ஒப்பிடுகையில் உடுப்பியில் நல்ல முன்னேற்றம் உள்ளது. சுகாதார ஊழியர்கள் மற்றும் முன்கள தொழிலாளர்களில் சுமார் 74 சதவீதம் பேர் தடுப்பூசியை போட்டுக்கொண்டுள்ளனர்’’ என தெரிவித்தார்.