சென்னை: தமிழகத்தில் வரும் 8 ஆம் தேதி முதல் 6-ம் கட்ட தேர்தல் பிரசாரத்தை திமுக தலைவர் மு.க.ஸ்டாலின் தொடங்குகிறார். வரும் 8-ம் தேதி சேலம், நாமக்கல், கரூர் மாவட்டங்களில் ஸ்டாலின் பிரசாரம் மேற்கொள்கிறார். வரும் 9-ம் தேதி திண்டுக்கல், மதுரையில் ஸ்டாலின் பிரசாரம் மேற்கொள்கிறார். மார்ச் 11ஆம் தேதி தி.மு.க தேர்தல் அறிக்கை வெளியிடப்படும் என ஸ்டாலின் அறிவித்துள்ளார். தோழமை கட்சிகளுடன் பேச்சுவார்த்தை சுமுகமாக நடைபெற்று வருவதாக கூறினார். மார்ச் 7ந் தேதி திமுக வேட்பாளர் பட்டியல் வெளியிட ஏற்பாடு நடைபெற்று வருவதாக தகவல் வெளியாகியுள்ளது. மேலும் திருச்சியில் வரும் மார்ச் 7-ம் தேதி 10 ஆண்டுகளுக்கான தொலை நோக்கு திட்ட அறிக்கை வெளியிட உள்ளதாக ஸ்டாலின் கூறியிரந்தார். தமிழக சட்டமன்ற பொதுத்தேர்தல் வருகிற ஏப்ரல் மாதம் 6-ம் தேதி நடைபெறவுள்ள உள்ளது.