சென்னை: தலைமைத் தேர்தல் அதிகாரி மற்றும் அரசு முதன்மைச் செயலாளர் நேற்று வெளியிட்ட அறிக்கை: சிறப்பு சுருக்கமுறைத் திருத்தம் - 2021ன் போது, புதிதாக வாக்காளர் பட்டியலில் முதன்முறையாக பெயர் சேர்க்கப்பட்ட வாக்காளர்களில் தங்களது செல்லிடப்பேசி எண்ணை வழங்கிய வாக்காளர்கள் அனைவருக்கும் மின்னணு வாக்காளர் அடையாள அட்டையினை பதிவிறக்கம் செய்து கொள்ள ஏதுவாக அனைத்து வாக்குச்சாவடி அமைவிடங்களிலும் 2 நாட்கள் சிறப்பு முகாம் நடத்த தேர்தல் ஆணையம் உத்தரவிட்டுள்ளது.

இந்த உத்தரவின்படி வரும் 13ம் தேதி மற்றும் 14ம் தேதி ஆகிய நாட்களில் அனைத்து வாக்குச்சாவடி அமைவிடங்களிலும் சிறப்பு முகாம் நடத்த மாவட்டத் தேர்தல் அலுவலர்களும் அறிவுறுத்தப்பட்டுள்ளனர். சிறப்பு சுருக்கமுறைத் திருத்தம் - 2021ன் போது வாக்காளர் பட்டியலில் முதன்முறையாக பெயர் சேர்க்கப்பட்ட வாக்காளர்கள் தங்களது மின்னணு வாக்காளர் அடையாள அட்டையினை செல்லிடப்பேசி கணினியில் பதிவிறக்கம் செய்யலாம்.