கொல்கத்தா: மேற்குவங்கம் மாநிலம் திரிணாமுல் காங்கிரஸ் கட்சியில் நடிகைகள் கவுஸ்சனி முகர்ணஜி, பியா தாஸ் ஆகியோர் இணைந்தனர். மேற்குவங்கத்தில் பேரவை தேர்தல் நடைெபறவுள்ளதால் அங்கு அரசியல் பரபரப்பு அதிகரித்து வருகிறது. தேர்தலின் தேதிகள் இதுவரை அறிவிக்கப்படாத நிலையில் தேர்தல் பிரசாரம் வேகமெடுத்து வருகிறது. அரசியல் கட்சிகள் தங்களது கட்சியில் பிரபலங்களை இணைத்து தேர்தல் போர்க்களத்தை தயார் செய்து வருகின்றன. இதன் மூலம், திரிணாமுல், பாஜக, காங்கிரஸ், இடதுசாரி கட்சிகளில் பிரபலங்களின் இணைவும் தீவிரமாக உள்ளது. அந்த வகையில் முதல்வர் மம்தா பானர்ஜி தலைமையிலான திரிணாமுல் காங்கிரஸ் கட்சியில் பெங்காலி திரைப்பட நடிகைகள் கவுஸ்சனி முகர்ணஜி மற்றும் பியா தாஸ் ஆகியோர் இணைந்தனர்.