சென்னை: கோவின் செயலியில் ஏற்பட்ட பிரச்னை காரணமாக நேற்று தடுப்பூசி வழங்கும் பணி தாமதமானது. இது வரும் நாட்களில் சரி செய்யப்படும் என்று சுகாதாரத்துறை அதிகாரிகள் தெரிவித்தனர். தமிழகத்தில் நேற்று 166 மையங்களில் கொரோனா தடுப்பூசி அளிக்கும் பணி தொடங்கியது. ஒரு மையத்தில் தினசரி 100 பேருக்கு தடுப்பூசி அளிக்கப்படும் என்று தெரிவிக்கப்பட்டது. இந்நிலையில், முதல் நாளான நேற்று கொரோனா தடுப்பூசி வழங்கும் பணி தாமதம் ஆனதாக தகவல் வெளியாகி உள்ளது. முதல்நாள் என்பதால் இந்த தாமதம் ஆனதாகவும், இன்று இது சரி செய்யப்பட்டு விடும் என்றும் சுகாதாரத்துறை அதிகாரிகள் தெரிவித்தனர். இதுதொடர்பாக, அவர்கள் கூறியதாவது: தினசரி காலை 9 மணி முதல் மாலை 5 மணி வரை தடுப்பூசி போடப்படும் என்று அறிவிக்கப்பட்டது. ஆனால், முதல் நாளான இன்று (நேற்று) காலை 11.30 மணிக்கு தான் கொரோனா தடுப்பூசி போடும் பணி தொடங்கப்பட்டது.