நம்பினால் நம்புங்கள் ஒரு ஹேண்ட் பேக் விலை ரூ.53 கோடி

இத்தாலி: இத்தாலிய நிறுவனமான, ‘போரினி மிலானேசி’, உலகிலேயே மிகவும் விலை உயர்ந்த பெண்கள் கைப்பையை (ஹேண்ட் பேக்) தயாரித்துள்ளது. இதன் விலை ரூ.53 கோடி. இதுபோல், 3 கைப்பைகளை மட்டும் அது தயாரித்துள்ளது. ஒவ்வொரு பையை தயாரிக்கவும் ஆயிரம் மணி நேரத்தை எடுத்துள்ளது. இது குறித்து இன்ஸ்டாகிராமில் இந்நிறுவனம் வெளியிட்டுள்ள பதிவில், ‘மட்காத பிளாஸ்டிக்குகளால் மாசுபடும் கடல்களை பாதுகாப்பது குறித்த விழிப்புணர்வை ஏற்படுத்துவதற்காக இந்த கைப்பைகள் தயாரிக்கப்பட்டுள்ளன. இவற்றின் மூலம் கிடைக்கும் பணத்தில், ரூ.7 கோடி கடல்களை தூய்மைப்படுத்த வழங்கப்படும்,’ என கூறியுள்ளார். இந்த பையில் பளபளக்கும் முதலை தோலால் செய்யப்பட்டுள்ளது. இந்த பையில் 10 தங்க பட்டாம்பூச்சிகள் பதிக்கப்பட்டுள்ளது. இந்த பட்டாம்பூச்சிகளில் வைரங்கள், அரிய வகை ரத்தினங்கள் பதிக்கப்பட்டு அலங்கரிக்கப்பட்டு உள்ளது.