சாயல்குடி: ராமநாதபுரம் மாவட்டம், கமுதி அருகே பசும்பொன் கிராமத்தில் முத்துராமலிங்கத்தேவர் குருபூஜை விழா 3 நாட்கள் கொண்டாடப்படுகிறது. முதல் நாளான நேற்று காலை ஆன்மிக விழா நினைவிட பொறுப்பாளர் காந்தி மீனாள் தலைமையில் யாகசாலை பூஜைகளுடன் துவங்கியது. தொடர்ந்து சிறப்பு பூஜைகள், லட்சார்ச்சனை நடந்தது. ராமநாதபுரம் மாவட்டத்தின் பிற பகுதிகளிலிருந்து பசும்பொன் வந்திருந்த பொதுமக்கள் சாமி கும்பிட்டு சென்றனர். உள்ளூர் பகுதியிலிருந்து பால்குடம், அக்கினிச்சட்டி எடுத்து வந்து நேர்த்திக்கடன் செலுத்தினர். பாஜ முன்னாள் அமைச்சர் பொன்.ராதாகிருஷ்ணன் கலந்து கொண்டு தேவர் நினைவிடத்தில் மரியாதை செய்தார். விழாவில் பங்கேற்க முதல்வர் எடப்பாடி பழனிசாமி நாளை பசும்பொன் வருகிறார். இதற்காக நினைவிட பகுதியில் மூன்றடுக்கு பாதுகாப்பு போடப்பட்டுள்ளது.