நியூயார்க்: அமெரிக்க அதிபர் தேர்தல் நடைபெற சில தினங்களே இருக்கும் நிலையில், அதிபர் டிரம்ப்பின் பிரசார இணையதளத்தை மர்ம நபர்கள் முடக்கினர்.அமெரிக்காவில் அதிபர் தேர்தல் வரும் 3ம் தேதி நடக்கிறது. இதற்கான, உச்சக்கட்ட பிரசாரத்தில் அதிபர் டிரம்ப்பும், அவரை எதிர்த்து போட்டியிடும் ஜோ பிடெனும் ஈடுபட்டுள்ளனர். இதனால், பிரசாரத்தில் கடைசிக்கட்ட அனல் பறக்கிறது. ‘டொனால்ட்ஜேடிரம்ப்.காம்’ என்ற இணையதளம், டிரம்பின் பிரசாரத்துக்காக பயன்படுத்தப்பட்டு வருகிறது. இந்த இணையதளம் நேற்று திடீரென முடக்கப்பட்டது.