புதுடெல்லி: மத்தியப் போக்குவரத்து மற்றும் நெடுஞ்சாலை வெளியிட்டுள்ள அறிக்கையில், ‘கடந்த 2019ம் ஆண்டு உலக அளவில் நடந்த சாலை விபத்துக்களில் 13.5 லட்சம் மக்கள் உயிரிழந்துள்ளனர். இதில் 11 சதவீத விபத்துக்கள் இந்தியாவில் நடந்துள்ளது. கடந்தாண்டு இந்தியாவில் நடந்த சாலை விபத்துக்களில் 1,51,113 நபர்கள் உயிரிழந்துள்ளனர். சீனாவில் 63,093 நபர்கள் உயிரிழந்துள்ளனர். அமெரிக்காவில் 37,461 நபர்கள் உயிரிழந்துள்ளனர். கடந்த 2018ம் ஆண்டு இந்தியாவில் 4,67,044 சாலை விபத்துக்கள் நடந்த நிலையில் 1,51,417 நபர்கள் உயிரிழந்தனர். இந்த எண்ணிக்கையை 2019ம் ஆண்டுடன் ஒப்பிடும் பட்சத்தில் 0.20 சதவீதம் உயிரிழப்புகள் குறைந்துள்ளன.