×

மீண்டும் நேருக்கு நேர்.... ஐதராபாத்-டெல்லி

துபாயில் இன்று இரவு நடைபெறும் ஐபிஎல் தொடரின் 47வது லீக் போட்டியில் சன்ரைசர்ஸ் ஐதராபாத்-டெல்லி கேபிடல்ஸ் அணிகள் மோதுகின்றன. இந்த 2 அணிகளும் ஐபிஎல் தொடர்களில் 16 ஆட்டங்களில் நேருக்கு நேர் சந்தித்துள்ளன. அவற்றில் ஐதராபாத் 10ஆட்டங்களிலும், டெல்லி 6 ஆட்டங்களிலும் வென்றுள்ளன. இரு அணிகளு–்ம் கடைசியாக மோதிய 10 ஆட்டங்களில் தலா 5முறை வெற்றி தோல்விகளை சந்தித்துள்ளன. நடப்புத் தொடரில் 29ம் தேதி நடந்த லீக் போட்டியில் ஐதராபாத் 15ரன் வித்தியாசத்தில் டெல்லியை வீழ்த்தியது. நடப்புத் தொடர் இறுதிக் கட்டத்தை எட்டியுள்ளது.

டெல்லி 14 புள்ளிகளுடன் தகுதிச்சுற்று வாய்ப்புக்கான பட்டியலில் தொடர்கிறது. எஞ்சிய 3 ஆட்டங்களில் 2போட்டிகளில் வென்றால் தகுதிச்சுற்று வாய்ப்பை உறுதிப்படுத்தலாம். அதற்கு மாறாக 3 போட்டிகளிலும் தோற்றால் தகுதிச்சுற்று வாய்ப்பு கேள்விக்குறிதான். ஏனென்றால் ஐதராபாத் உட்பட பல அணிகள் 14புள்ளிகள் பெறும் வாய்ப்பில் நீடிக்கின்றன. அப்படி ஒருநிலைமை வந்தால் ரன்ரேட்தான் வாய்ப்பை தீர்மானிக்கும். அதனால் இன்றைய போட்டியில் மட்டுமல்ல இனி வரும் போட்டிகளிலும் அதிக ரன், விக்கெட் வித்தியாசத்தில் வெற்றி பெறுவது 2 அணிகளுக்கும் மிக முக்கியம்.


Tags : Face to face again .... Hyderabad-Delhi
× RELATED ஐபிஎல் டி20: சன் ரைசர்ஸ் ஹைதராபாத்...