சென்னை : மழையில் நெல் மூட்டைகள் நனைந்து வீணாவது குறித்து அரசு உரிய நடவடிக்கை எடுக்க வேண்டும் என மு.க ஸ்டாலின் பதிவிட்டுள்ளார். தமிழகத்தில் பல மாவட்டங்களில் மழை வெளுத்து வாங்குகிறது. இதன் காரணமாக, அறுவடை செய்து வைத்திருந்த நெல் மணிகள் மழையில் நனைந்து வீணாக போவதாகவும், நெல் முளைத்து விடுவதால் விற்கக் கூட முடியாத சூழல் நிலவுவதாக விவசாயிகள் வேதனை தெரிவித்தனர்.அதுமட்டுமில்லாமல் ஏற்கனவே எடை போட்ட நெல் மூட்டைகளுக்கு, மீண்டும் எடை போட்டு ரூ.40 லஞ்சமாக அதிகாரிகள் வசூலிப்பதாக குற்றஞ்சாட்டினர். மேலும், கொள்முதல் நிலையங்களை அரசு முறையாக திறக்காததால் கொள்முதல் நிலையங்களில் குவியல் குவியலாக நெற்பயிர்கள் தேங்கிக் கிடப்பதாகவும் வருத்தம் தெரிவித்துள்ளனர்.