கொல்கத்தா: மேற்கு வங்க முதல்வர் மம்தா பானர்ஜிக்கு கொரோனா கட்டிப்பிடி அச்சுறுத்தல் விடுத்த மேற்கு வங்க மாநிலத்தை சேர்ந்த பாஜ தேசிய செயலாளர் அனுபம் ஹஸ்ரா மீது போலீசில் வழக்கு பதிவு செய்யப்பட்டுள்ளது. மேற்கு வங்க மாநிலம் போல்பூர் முன்னாள் எம்பி அனுபம் ஹஸ்ரா. இவர் கடந்த 2019ம் ஆண்டு ஜனவரியில் பாஜவில் இணைந்தார், இவர் கடந்த இரண்டு நாட்களுக்கு முன்னர் பாஜவின் புதிய தேசிய செயலாளராக நியமிக்கப்பட்டார். இந்நிலையில் நேற்று முன்தினம் பேசிய அனுபம் ஹஸ்ரா கூறுகையில், “ எனக்கு கொரோன நோய் தொற்று பாதிப்பு ஏற்பட்டால் நான் நேரடியாக முதல்வர் மம்தாவிடம் செல்வேன். அவரை கட்டிப்பிடித்து அவருக்கு நோய் தொற்று பாதிப்பை ஏற்படுத்துவேன்.