சென்னை: தேர்தலுக்கு இன்னும் 7 மாதம்தான் உள்ளது. தமிழகத்தில் மு.க.ஸ்டாலின் தலைமையில் திமுக ஆட்சி அமையும் என்று உதயநிதி ஸ்டாலின் கூறியுள்ளார். சென்னை வள்ளுவர் கோட்டம் அருகில் நடந்த ஆர்ப்பாட்டத்தில் திமுக இளைஞர் அணி செயலாளர் உதயநிதி ஸ்டாலின் கலந்துகொண்டார். அப்போது, அவர் பேசியதாவது: கொரோனா காலத்தில் தலைவர் மு.க.ஸ்டாலின் அறிவித்த ஒன்றிணைவோம் வா மூலம், மக்களுக்கு தேவையான அனைத்து நலத்திட்ட உதவிகளை கடந்த 7 மாதமாக சென்று சேர்த்தது திமுக தான். விவசாயிகளுக்காக இங்கே நாம் ஆர்ப்பாட்டத்தை நடத்திக்கொண்டிருக்கிறோம். முதல்வர், வேளாண் மசோதாவால் விவசாயிகளுக்கு எந்த பாதிப்பும் இல்லை என்று சொல்கிறார்.