சென்னை: கோயம்பேடு சந்தை பணியாளர்களுக்கு 15 நாட்களுக்கு ஒருமுறை கொரோனா ஆய்வு செய்யப்பட வேண்டும் என பாமக நிறுவனர் ராமதாஸ் கூறியுள்ளார். இதுதொடர்பான அவரது டிவிட்டர் பதிவில், ‘கோயம்பேடு உணவு தானிய சந்தை திறக்கப்பட்டுள்ளது; காய்கறி சந்தை 28ம் தேதி திறக்கப்படுகிறது. கோயம்பேடு சந்தையிலிருந்து தான் சென்னையில் அதிக அளவில் கொரோனா பரவியது என்பதை கருத்தில் கொண்டு போதிய முன்னெச்சரிக்கைகளை மேற்கொள்ள வேண்டும். கோயம்பேடு சந்தை கடை உரிமையாளர்கள், பணியாளர்கள், சரக்குந்து ஓட்டுனர்கள், உதவியாளர்கள் உள்ளிட்ட அனைவருக்கும் 15 நாட்களுக்கு ஒருமுறை கொரோனா ஆய்வு செய்யப்பட வேண்டும்.