வெள்ளையனே வெளியேறு இயக்கத்தின் நினைவுநாளை முன்னிட்டு அசுத்தமே வெளியேறு என நாம் முழக்கமிடுவோம்; பிரதமர் மோடி

டெல்லி: வெள்ளையனே வெளியேறு இயக்கத்தின் நினைவுநாளை முன்னிட்டு அசுத்தமே வெளியேறு என நாம் முழக்கமிடுவோம் என பிரதமர் மோடி தெரிவித்துள்ளார். கொரோனாவுக்கு எதிராக நாம் அனைவரும் ஒன்றிணைந்து போராடுவோம். கொரோனாவிலிருந்து பாதுகாத்துக் கொள்ள சமூக இடைவெளியுடன், முகக்கவசம் அணிய வேண்டும் எனவும் கூறினார். தூய்மை இந்தியா இயக்கம் குறித்த அனுபவங்களை அறிந்து கொள்ளும் வகையில் டெல்லியில்  உருவாக்கப்பட்டுள்ள ராஷ்ட்ரிய ஸ்வச்சதா கேந்திரா எனும் தேசிய தூய்மை மையத்தை, பிரதமர் நரேந்திர மோடி திறந்து வைத்தார்.

அதனை தொடர்ந்து தூய்மை இந்தியா குறித்து நாட்டின் பல்வேறு பகுதி மாணவர்களுடன் கலந்துரையாடிய பிரதமர் மோடி பேசியதாவது; இங்குள்ள குழந்தைகள் உட்பட நாம் அனைவரும் சமூக விலகல் விதிமுறைகளைப் பின்பற்றி முகமூடிகளை அணிந்துகொள்வதில் மகிழ்ச்சி அடைகிறேன். நாம் அனைவரும் இப்போது காந்தஜி, பாரத் சோர்ஹோ என்ற பிரச்சாரத்தின் ஒரு பகுதியாக இருக்கிறோம். கடந்த ஆண்டு காந்திஜியின் 150 வது பிறந்த நாள் கொண்டாடப்பட்டபோது பல்வேறு நாட்டை சார்ந்த பாடகர்கள் அவருக்கு பிடித்த பாடலான வைஷ்ணவ் ஜான் தோ கற்றுக் கொண்டு பாடினர்.  மகாத்மா காந்தியின் கொள்கைகளை ஏற்றுக்கொள்ள முழு உலகமும் முன்வருகிறது.

இன்று வெள்ளையனே வெளியேறு இயக்கத்தின் நினைவு நாளில், அசுத்தமே வெளியேறு என முழக்கமிடுவோம். கடந்த சில ஆண்டுகளில், காந்திஜியால் ஈர்க்கப்பட்ட நாடு முழுவதும் உள்ள லட்சக்கணக்கான மக்கள், ஸ்வச் பாரத் மிஷன் அவர்களின் வாழ்க்கையின் இலக்காக மாற்றியுள்ளனர். 60 மாதங்களுக்கும் மேலாக 60 கோடி மக்களுக்கு கழிப்பறை வசதியை நாங்கள் வழங்க முடிந்தது இதுதான். கொரோனாவிலிருந்து பாதுகாத்துக் கொள்ள சமூக இடைவெளியுடன், முகக்கவசம் அணிய வேண்டும். கொரோனாவுக்கு எதிராக அனைவரும் ஒன்றிணைந்து போரிட வேண்டும். இவ்வாறு அவர் கூறினார்.

Related Stories:

>