லண்டன்: பிரிட்டிஷ் கிராண்ட் பிரீ பார்முலா 1 கார் பந்தயத்தில் மெர்சிடிஸ் அணி வீரர் லூயிஸ் ஹாமில்டன் (இங்கிலாந்து) 7வது முறையாக சாம்பியன் பட்டம் வென்று சாதனை படைத்தார். சில்வர்ஸ்டோன் பந்தயக் களத்தில் நடந்த இப்போட்டியில் அபாரமாக செயல்பட்ட ஹாமில்டன், பந்தய தூரத்தை (52 லேப்) 1 மணி, 28 நிமிடம், 01.283 விநாடிகளில் கடந்து முதலிடம் பிடித்தார். கடைசி சுற்றின்போது அவரது காரின் டயர் பங்ச்சர் ஆனதால் பெரும் பரபரப்பு ஏற்பட்டது. எனினும், சாமர்த்தியமாக காரை இயக்கிய ஹாமில்டன் 7வது முறையாக பிரிட்டிஷ் கிராண்ட் பிரீ கோப்பையை 7வது முறையாக முத்தமிட்டார்.