மதுரை: மதுரை, சொக்கிகுளத்தை சேர்ந்தவர் சுந்தரராஜன் (62). விஜயகாந்த்தின் நண்பராக இருந்து, அவரது ரசிகர் மன்றத்தில் முக்கிய பொறுப்பு வகித்தவர். விஜயகாந்த் தேமுதிக கட்சி துவங்கிய பின் சுந்தரராஜனுக்கு மாநில பொருளாளர் பதவி வழங்கப்பட்டது. அதிமுக - தேமுதிக கூட்டணியில், கடந்த 2011ல் மதுரை மத்திய தொகுதியில் போட்டியிட்டு வெற்றி பெற்றார். கடந்த 2016ல் அதிமுகவில் இணைந்தார். கடந்த சில நாட்களாக உடல்நலக்குறைவால் அவதிப்பட்டு வந்தார். திடீரென நேற்று முன்தினம் இரவு இவருக்கு மூச்சுத்திணறல் ஏற்பட்டது.