சென்னை: சென்னை, திருவள்ளூர், காஞ்சிபுரம், செங்கல்பட்டு உள்ளிட்ட மாவட்டங்களில் ஆண்டுக்கு 10 ஆயிரத்துக்கு குறைவான வருவாய் வரும் வழிபாட்டு தலங்களை இன்று முதல் திறக்கலாம் என்று அரசு உத்தரவிட்டுள்ளது. மேலும், இந்த 4 மாவட்டங்களில் கட்டுபடுத்தப்பட்ட பகுதிகளில் உள்ள வழிபாட்டு தலங்களை திறக்க அனுமதியில்லை. ஆடி மாதம் பிறக்கவுள்ள நிலையில் சென்னை, திருவள்ளூர் உட்பட 4 மாவட்டங்களில் உள்ள சிறிய அம்மன் கோயில்களில் திருவிழா ஒவ்வொரு ஆண்டும் களைகட்டும். இந்த விழாவில் ஏராளமான பக்தர்கள் கலந்து கொள்வது வழக்கம். ஆனால், கொரோனா வேகமாக பரவி வரும் இந்த சூழ்நிலையில் இந்தாண்டு ஆடித்திருவிழா நடைபெறுமா என்ற கேள்வி எழுந்துள்ளது.