சிவகாசி: வெம்பக்கோட்டை அருகே குகன்பாறையில் இருந்து செவல்பட்டி செல்லும் சாலையில் அலமேலுமங்கைபுரம் பகுதியிலுள்ள பாலத்தை அகலப்படுத்த வேண்டும் என கோரிக்கை எழுந்துள்ளது. வெம்பக்கோட்டை அருகே குகன்பாறை கிராமம் உள்ளது. இங்கிருந்து கோவில்பட்டி, சங்கரன்கோவிலுக்கு சாலை அமைக்கப்பட்டுள்ளது. முக்கிய சந்திப்பு பகுதியாக உள்ளதால் குகன்பாறை சாலையில் தினமும் ஏராளமான வாகனங்கள் சென்று வருகின்றன. குகன்பாறை கிராமத்தில் இருந்து செவல்பட்டி வரை சாலை 7 மீட்டர் வரை அகலமுடையது. அலமேலுமங்கைபுரம் பகுதியில் தரைப்பாலம் 5 மீட்டர் நீளம் அமைக்கப்பட்டுள்ளது. இப்பகுதியில் சாலை குறுகலாக உள்ளது.