சாத்தூர்: மதுரை காமராஜர் பல்கலைக்கழகம் சார்பில் நடத்தப்பட்ட மாநில அளவிலான கொரோனா விழிப்புணர்வு வீடியோ போட்டியில் சாத்தூர் மாணவி 2வது இடம் பிடித்தார். விருதுநகர் மாவட்டம் சாத்தூர் அருகே நத்தத்துபட்டி கிராமத்தை சேர்ந்தவர் விவசாயி ரமேஷ். இவரது மகள் சிவசங்கரி. இவர் சிவகாசியிலுள்ள தனியார் கல்லூரியில் விஷுவல் கம்யூனிகேசன் படித்து வருகிறார். காமராஜர் பல்கலைக்கழகம் சார்பில் மாநில அளவில் கொரோனா விழிப்புணர்வு அனிமேஷன் போட்டி நடத்தப்பட்டது.