வாஷிங்டன்: கொரோனாவால் ஏற்படும் பாதிப்புகள் குறித்து யுனிசெப்பும். சிறுவர்களை பாதுகாப்போம் என்ற அமைப்பும் இணைந்து ஆய்வு மேற்கொண்டன. அதில் கூறப்பட்டுள்ளதாவது: கொரோனா நோய் தொற்று பரவலினால் பல்வேறு நாடுகளிலும் பொருளாதாரம் சரிந்துள்ளது. இதன் காரணமாக 2020ம் ஆண்டு இறுதியில் மேலும் 8.6 கோடி சிறுவர்கள் வறுமையின் பிடிக்குள் தள்ளப்படுவார்கள், இது வழக்கத்தை காட்டிலும் 15 சதவீத அதிகமாகும்.பொருளாதார நெருக்கடியில் இருந்து குடும்பங்கள் உடனடியாக பாதுகாக்கப்படா விட்டால், குறைந்த மற்றும் நடுத்தர வருமான நாடுகளில் தேசிய வறுமை கோட்டுக்கு கீழ் வாழும் சிறுவர்களின் எண்ணிக்கை 67.2 கோடியாக அதிகரிக்கும்.