துபாய்: சர்வதேச கிரிக்கெட் கவுன்சிலின் (ஐசிசி) டெஸ்ட் போட்டிகளுக்கான பேட்டிங் தரவரிசையில், ஆஸ்திரேலியாவின் ஸ்டீவன் ஸ்மித் முதலிடத்துக்கு முன்னேறினார். இந்திய அணி கேப்டன் விராத் கோஹ்லி 2வது இடத்துக்கு தள்ளப்பட்டார். ஐசிசி உலக டெஸ்ட் சாம்பியன்ஷிப் அறிமுகமான பின்னர் வெஸ்ட் இண்டீஸ், தென் ஆப்ரிக்கா, வங்கதேச அணிகளுக்கு எதிராக நடந்த தொடர்களில் அபாரமாக செயல்பட்ட இந்திய அணி 360 புள்ளிகளைக் குவித்து முன்னிலை பெற்றது. நியூசிலாந்து அணியுடன் வெலிங்டனில் நடந்த முதல் டெஸ்டில், 10 விக்கெட் வித்தியாசத்தில் அதிர்ச்சி தோல்வியடைந்தாலும் தரவரிசையில் தொடர்ந்து முதலிடத்தில் நீடிக்கிறது. எனினும், பேட்டிங் தரவரிசையில் கோஹ்லி பின்னடைவை சந்தித்துள்ளார். ஆஸ்திரேலியாவின் ஸ்மித் முதல் இடத்துக்கு முன்னேறிய நிலையில், கோஹ்லி 2வது இடத்துக்கு தள்ளப்பட்டார். நியூசிலாந்து சுற்றுப்பயணத்தில் ரன் குவிக்க முடியாமல் திணறி வரும் அவர், முதல் டெஸ்டில் 2 மற்றும் 19 ரன் மட்டுமே எடுத்தது குறிப்பிடத்தக்கது.
இந்திய வீரர்கள் ரகானே 8வது இடத்துக்கும், புஜாரா 9வது இடத்துக்கும் தள்ளப்பட்டனர். வெலிங்டன் டெஸ்டின் முதல் இன்னிங்சில் 34 ரன், 2வது இன்னிங்சில் 58 ரன் எடுத்த தொடக்க வீரர் மயாங்க் அகர்வால் 10வது இடத்துக்கு முன்னேறி உள்ளார்.பந்துவீச்சு தரவரிசையில், ஆஸி. வேகம் பேட் கம்மின்ஸ் முதலிடத்தில் நீடிக்கிறார். இந்திய வேகங்கள் ஜஸ்பிரித் பூம்ரா, முகமது ஷமி இருவரும் டாப் 10ல் இருந்து வெளியேற்றப்பட்டுள்ளனர். ஆர்.அஷ்வின் 9வது இடத்தில் உள்ளார். ஆல் ரவுண்டர்களுக்கான ரேங்கிங்கில் வெஸ்ட் இண்டீசின் ஜேசன் ஹோல்டர் முன்னிலை வகிக்கிறார். இந்தியாவின் ரவீந்திர ஜடேஜா 3வது இடத்திலும், ஆர்.அஷ்வின் 5வது இடத்திலும் உள்ளனர்.
அணிகள் டாப் 10ரேங்க் அணி புள்ளி1 இந்தியா 1202 ஆஸ்திரேலியா 1083 இங்கிலாந்து 1054 நியூசிலாந்து 1055 தென் ஆப்ரிக்கா 986 இலங்கை 917 பாகிஸ்தான் 858 வெஸ்ட் இண்டீஸ் 819 வங்கதேசம் 6010 ஆப்கானிஸ்தான் 49பேட்டிங் டாப் 10ரேங்க் வீரர் புள்ளி1 ஸ்டீவன் ஸ்மித் (ஆஸி.) 9112 விராத் கோஹ்லி (இந்தியா) 9063 கேன் வில்லியம்சன் (நியூசி.) 8534 மார்னஸ் லாபுஷேன் (ஆஸி.) 8275 பாபர் ஆஸம் (பாகிஸ்தான்) 8006 டேவிட் வார்னர் (ஆஸி.) 7937 ஜோ ரூட் (இங்கிலாந்து) 7648 அஜிங்க்யா ரகானே (இந்தியா) 7609 செதேஷ்வர் புஜாரா (இந்தியா) 75710 மயாங்க் அகர்வால் (இந்தியா) 727பந்துவீச்சு டாப் 10ரேங்க் வீரர் புள்ளி1 பேட் கம்மின்ஸ் (ஆஸி.) 9042 நீல் வேக்னர் (நியூசி.) 8433 ஜேசன் ஹோல்டர் (வெ.இண்டீஸ்) 8304 காகிசோ ரபாடா (தென் ஆப்.) 8025 மிட்செல் ஸ்டார்க் (ஆஸி.) 7966 டிம் சவுத்தீ (நியூசி.) 7947 ஜேம்ஸ் ஆண்டர்சன் (இங்கிலாந்து) 7758 ஜோஷ் ஹேசல்வுட் (ஆஸி.) 7699 ஆர்.அஷ்வின் (இந்தியா) 76510 கெமார் ரோச் (வெ.இண்டீஸ்) 763ஆல் ரவுண்டர் டாப் 10ரேங்க் வீரர் புள்ளி1 ஜேசன் ஹோல்டர் (வெ.இண்டீஸ்) 4732 பென் ஸ்டோக்ஸ் (இங்கிலாந்து) 4073 ரவீந்திர ஜடேஜா (இந்தியா) 3974 மிட்செல் ஸ்டார்க் (ஆஸி.) 2985 ஆர்.அஷ்வின் (இந்தியா) 2886 கிராண்ட்ஹோம் (நியூசி.) 2717 பேட் கம்மின்ஸ் (ஆஸி.) 2668 ரோஸ்டன் சேஸ் (வெ.இண்டீஸ்) 2389 கிறிஸ் வோக்ஸ் (இங்கிலாந்து) 2129 டிம் சவுத்தீ (நியூசி.) 212