புதுடெல்லி: உபி தலைநகர் லக்னோவில் பிப்.5ம் தேதி முதல் 9ம் தேதி வரை ‘ராணுவ கண்காட்சி - 2020’ நடைபெற உள்ளது. இதில், பல்வேறு சர்வதேச நிறுவனங்கள் மற்றும் இந்திய நிறுவனங்களின் ஆயுதங்கள், ராணுவ தளவாடங்கள்  காட்சிக்கு வைக்கப்படும். இது தொடர்பாக ஐரோப்பியாவை சேர்ந்த ஏவுகணை தயாரிப்பு நிறுவனமான எம்பிடிஏ வெளியிட்டுள்ள அறிக்கையில், ‘ஏடிஜிஎம்-5 என்ற பீரங்கி எதிர்ப்பு  ஏவுகணை, கப்பல் எதிர்ப்பு ஏவுகணையான எக்ஸோசெட் எம்எம்40 பி3 போன்றவையும், நவீன தொழில்நுட்ப கருவிகளும் இந்த கண்காட்சியில் காட்சிப்படுத்தப்படும். இது தவிர தரையில் இருந்து வானில் உள்ள இலக்கை தாக்கும் ஏவுகணையும் காட்சிப்படுத்தப்படும்,’ என்று கூறப்பட்டுள்ளது.