கலிபோர்னியா: அமெரிக்க கூடைப்பந்து நட்சத்திரம் கோப் பிரையன்ட் ஹெலிகாப்டர் விபத்தில் சிக்கி பலியானார். என்பிஏ கூடைப்பந்தாட்ட தொடரில் லாஸ் ஏஞ்சல்ஸ் லேக்கர்ஸ் அணிக்காக 20 ஆண்டுகள் விளையாடி உலகப் புகழ் பெற்றவர் பிரையன்ட் (41 வயது). 5 முறை என்பிஏ சாம்பியனான அவர் ஒலிம்பிக்சில் 2 தங்கப் பதக்கமும் வென்று சாதனை படைத்துள்ளார்.லாஸ் ஏஞ்சல்சில் இருந்து பிரையன்ட், அவரது மகள் கியன்னா மரியா (13 வயது) உட்பட 9 பேர் பயணம் செய்த ஹெலிகாப்டர் நேற்று கலிபோர்னியா மாகாணம் கலாபசாஸ் மலைப்பகுதியில் விழுந்து நொறுங்கியது. இந்த விபத்தில் பிரையன்ட் உட்பட அனைவரும் பலியானதாக லாஸ் ஏஞ்சல்ஸ் போலீசார் தெரிவித்துள்ளனர்.