சென்னை: வரி ஏய்ப்பு புகாரை தொடர்ந்து வேலம்மாள் கல்வி குழுமத்திற்கு சொந்தமான 50க்கும் மேற்பட்ட இடங்களில் வருமான வரித்துறையினர் சோதனை நடத்தி வருகின்றனர். தமிழகத்தில் இருக்கக்கூடிய முக்கியமான கல்வி நிறுவனங்களில் ஒன்று வேலம்மாள் கல்வி குழுமம். 1986-ல் இருந்து கல்வி நிறுவனங்கள் தமிழகம் முழுவதும் ஒவ்வொன்றாக கிளை பரப்பி தற்போது சென்னை முகப்பேர், காஞ்சிபுரம், திருவள்ளூர், தேனி, கரூர், சிவகங்கை, மதுரை போன்ற மாவட்டகளில் வேலம்மாள் கல்வி குழுமம் இருந்து வருகிறது. அதேபோல், மெட்ரிக்குலேசன், சிபிஎஸ்சி போன்ற கல்வி நிறுவங்களும், பொறியியல், மருத்துவ கல்லூரிகளும் செயல்பட்டு வருகிறது. 5 ஸ்டார் ஹோட்டல் போல காட்சி அளிக்கும் வகையில் 150 ஏக்கரில் மதுரை ரிங்க ரோடு பகுதியில் உள்ள அனுப்பானடியில் வேலம்மாள் மருத்துவமனை அமைந்துள்ளது.