சென்னை: ஆன்லைன் வர்த்தகத்துக்கு எதிராக 300க்கும் மேற்பட்ட வணிகர் சங்கங்களின் பேரமைப்பை சேர்ந்தவர்கள் டெல்லி ஜந்தர் மந்தரில் நேற்று ஆர்ப்பாட்டத்தில் ஈடுபட்டனர். இதில், தமிழகத்தின் சார்பாக தமிழ்நாடு வணிகர் சங்கங்களின் பேரமைப்பு தலைவர் விக்கிரமராஜா தலைமையில் ஏராளமானோர் கலந்து கொண்டனர். ஆன்லைன் வர்த்தகத்திற்கு எதிர்ப்பு தெரிவித்து, டெல்லி ஜந்தர் மந்தரில் நேற்று அனைத்து மாநிலங்களை சேர்ந்த வணிகர் சங்கங்களின் பேரமைப்பு சார்பில் மாபெரும் கண்டன ஆர்ப்பாட்டம் நடந்தது. இதில் 300க்கும் மேற்பட்ட வணிகர் சங்கங்களின் பேரமைப்பை சேர்ந்தவர்கள் கலந்து கொண்டனர். தமிழகத்தின் சார்பில் தமிழ்நாடு வணிகர் சங்கங்களின் பேரமைப்பு தலைவர் விக்கிரமராஜா தலைமையில் ஏராளமானோர் கலந்து கொண்டனர். அப்போது, ஆன்லைன் வர்த்தகத்திற்கு தடை விதிக்க வேண்டும் என கோஷமிட்டனர்.