லண்டன்: தன்னிடம் சிகிச்சைக்கு வந்த 25 பெண்களிடம் பாலியல் சில்மிஷம் செய்த இந்திய வம்சாவளி டாக்டரை குற்றவாளி என்று நீதிமன்றம் அறிவித்துள்ளது. இதனால் அவருக்கு தண்டனை உறுதியாகி உள்ளது. இங்கிலாந்து தலைநகர் லண்டன் ரோம்போர்ட் பகுதியில் வசித்து வருபவர் மணீஷ் ஷா(50). இவர் இந்திய வம்சாவளியைச் சேர்ந்தவர். இவர் சிகிச்சைக்கு வரும் பெண்களிடம் பாலியல் சில்மிஷம் செய்ததாக குற்றச்சாட்டு எழுந்தது. இதையடுத்து இவரிடம் சிகிச்சை பெற்ற பெண்களிடம் போலீசார் விசாரணை நடத்தினர். இதில் கடந்த 2009 முதல் 2013ம் ஆண்டு வரையில் சுமார் 25 பெண்களிடம் அவர் பாலியல் ரீதியாக துன்புறுத்தியது தெரியவந்தது.