ஜோகன்னஸ்பர்க்: தென்னாப்பிரிக்காவின் சோசிபினி துன்சி என்பவர் 2019ம் ஆண்டுக்கான மிஸ் யுனிவர்ஸ் அழகியாக தேர்ந்தெடுக்கப்பட்டுள்ளார். அட்லாண்டாவில் நடந்த உலக அழகிகளுக்கான மிஸ் யுனிவர்ஸ் இறுதிப்போட்டியில் தென்னாப்பிரிக்காவைச் சேர்ந்த சோசிபினி துன்சி (26), 2019ம் ஆண்டுக்கான மிஸ் யுனிவர்ஸாக முடிசூட்டப்பட்டார். புவேர்ட்டோ ரிக்கோவின் மேடிசன் ஆண்டர்சன் ரன்னர்-அப் ஆகவும், மெக்ஸிகோவைச் சேர்ந்த சோபியா அரகன் மூன்றாவது இடத்துக்கும் தேர்ந்தெடுக்கப்பட்டனர். இப்போட்டியில், இந்தியா சார்பில் 26 வயதான வர்திகா சிங் கலந்துகொண்டார். ஆனால் அவரால் முதல் 10 இடங்களுக்குள் தகுதி பெற முடியவில்லை என்பது குறிப்பிடத்தக்கது.